ليلة العيد في المعتقل

#عيد_المعتقلين #عيدهم_في_السجن
ليلة العيد بالمعتقل … صفنة طويلة ، وغصة ، ودموع مكبوتة ، بعدها جولة تهاني ودموع ودعاء ومواساة .
أعظم لحظة لما بيكابر المعتقل على جرحو الخاص ويصير يواسي رفيقو المعتقل يلي جنبو ، ويدعيلو ويطيب خاطروا ، مع انو هو كمان بحاجة مين يواسيه .
بهدا المكان المعتقلين ما الهون الا بعض بمواجهة الموت وظلم السجان ، منشان هيك بتلاقيهم اخوة بالسراء والضراء.

معايداتهم متلنا ” كل عام وأنت بخير ” بس بيضيفوا عليها ” ان شاء الله العيد الجاية تكون ببيتك وبين أهلك. ” وما بينسوا يضيفوا كمان ” ان شاء الله آخر عيد الك هون “.

ونحن بدورنا بنقول آمين ، ان شاء الله هدا العيد قبل العيد الجاية بتكون بلدنا ما فيها معتقلين أو مفقودين ، وبيرجعوا كل الغايبين لأهلهم وبيلتم الشمل عن جديد.

#صوت_المعتقلين
كل عام ومعتقلينا بيناتنا ومعنا ومع أهاليهم وأحبابهم .